10 ditë burg për dy birra
Për të mos përfunduar në qeli, nuk duhet të hipni në timon nëse keni konsumuar mbi dy gota alkool të fortë, ose dy shishe birre apo dy gota verë. Kodi rrugor është ashpërsuar në këtë pikë. Mjafton të kesh në gjak më shumë se 0.5 g për litër dhe kjo mund të kushtojnë përveç heqjes së patentës për 6 muaj edhe burgun.Por si mund të llogaritet masa e alkoolit në gjak? Një mashkull me një masë trupore 80 kg, arrin masën e ndaluar me 0.5 gram alkool për liter vetëm me dy gota, ndërsa tek femrat me të njejtën peshë, me 2 pije alkoolike e tejkalon masën e përcaktuar në ligj.Dietologët thonë se përveç peshës trupore dhe gjinisë, ka edhe shumë faktorë të tjerë që ndikojnë në përqëndrimin e alkoolit në gjak. Konsumimi i kafesë përpara alkoolit, pirja me stomakun bosh, përbërja e ulët e trupit me masë muskulare, kombinimi me mediakamente, madje ndikon edhe gjendja shpirtërore e rënduar.Nga të dhënat që jep policia e qarkullimit rrugor del se nga muaji tetor deri me sot është dhënë masa e arrestit me burg për 640 persona, të cilët janë konstatuar nga policia në gjendje të dehur gjatë drejtimit të mjetit.