10 kg drogë në bagazh, arrestohet 34-vjeçari

10:05 11/10/2016 Memaliaj - Policia ka goditur një tjetër rast të trafikut të lëndëve narkotike dhe ka arrestuar poseduesin e saj.

Në pranga ka rënë Gëzim Rrapa, 34 - vjeç, banues në Gjirokastër, i dënuar më parë për prodhim dhe shitje narkotikësh.

Sipas policisë, arrestimi i tij u bë pasi në vendin e quajtur "Kthesa e Luftinjës", pas kontrollit të ushtruar në automjetin "Renault", me targa AA 309 ET, që drejtohej nga 34 - vjeçari, në pjesën e bagazhit iu gjetën 3 thasë me kanabis.

Pesha totale e drogës ishte 10 kilogramë, që u sekuestrua në cilësinë e provës materiale./tvklan.al

droge

memaliaj