12 të vdekur në një aksident rrugor në Itali
E përditësuar: 12 persona kanë humbur tragjikisht jetën në një aksident rrugor, të ndodhur këtë të hënë në Foggia të Italisë. Ngjarja e rëndë ndodhi në afërsi të Lesina. Në aksident u përfshi një furgon me targa bullgare me një kamion.
Fillimisht u raportua për 10 viktima, por teksa autoritetet nxorrën trupat e pajetë, ata konfirmuan për mediat italiane se të vdekurit janë 12.
Sipas agjencisë italiane të lajmeve Ansa, karabinierët konfirmuan gjithashtu se viktimat janë të gjithë me kombësi të huaj. Ata po ktheheshin puna në fshatrat e Foggias, ku mblidhnin domate.
Viktimat udhëtonin sëbashku me 3 persona të tjerë që mbetën të plagosur, jashtë rrezikut për jetën. Kamioni me të cilin u përplasën mësohet se transportonte miell.
Rrethanat e këtij aksidenti tragjik nuk dihen ende.
/tvklan.al