167 kg kanabis në banesë, pranga 40 – vjeçarit
Në qytetin e Lezhës janë sekuestruar 167 kilogramë lëndë narkotike, gjatë operacionit të zhvilluar nga Komisariatit të Policisë Mirditë në bashkëpunim me Drejtorinë Vendore të Policisë Lezhë.
Sakaq, nga ky operacion i ndërrmarë është arrestuar në flagrancë shtetasi Marko Tushaj, 40 - vjeç, banues në Mirditë.
Gjatë kontrollit të ushtruar në banesën e tij janë gjetur dhe sekuestruar në cilësinë e provës materiale 167 kg lëndë e dyshuar narkotike kanabis.
Ndërkohë, materialet i kaluan Prokurorisë së Rrethit Gjyqësor Lezhë për të vijuar për vepren penale " Prodhim dhe shitje e lëndëve narkotike”./tvklan.al