2 persona të maskuar grabisin me armë një pikë karburanti
Një pikë karburanti ka rënë pre e grabitjes me armë. Ngjarja mësohet se ka ndodhur rreth orës 04:15 të mëngjesit të sotëm, në rrugën nacionale Fushë Krujë-Krujë.
Burime zyrtare të policisë bëjnë me dije se dy persona të maskuar dhe nën kërcënimin e armës i kanë marrë rojes së karburantit, 42-vjeçarit A.B. , 10 000 lekë dhe më pas janë larguar.
Me të marrë njoftim menjëherë në vendngjarje kanë shkuar efektivët e policisë, të cilët po punojnë për identifikimin dhe kapjen e autorëve.
Kjo është hera e dytë që një pikë karburanti grabitet në harkun kohor të dy ditëve. Të dielën në mbrëmje dy persona të maskuar dhe nën kërcënimin e armëve morën xhiron ditore në një pikë karburanti në kryeqytet./tvklan.al