26,000 fëmijë të vrarë ose gjymtuar që nga viti 2005
Një mesatare prej pesë fëmijësh janë vrarë ose plagosur çdo ditë për 14 vitet e fundit në Afganistanin e shkatërruar nga lufta.
Organizata bamirëse Save the Children, ka shfaqur të dhënat e OKB-së që tregojnë se të paktën 26,025 fëmijë janë vrarë ose gjymtuar nga viti 2005 deri në 2019.
Mes bisedimeve të bllokuara të paqes dhe tërheqjes së trupave amerikane, dhuna në Afganistan vetëm sa ka filluar të rritet.
Sipas Save the Children, Afganistani është midis 11 kombeve më të rrezikshëm në botë për fëmijët. Vetëm në vitin 2019 në këtë vend, është llogaritur numri më i madh i të gjitha shkeljeve, vrasjeve dhe gjymtimeve me një 874 fëmijë të vrarë dhe 2,275 të plagosur.
Raporti zbuloi se shkollat janë ato që janë sulmuar në mënyrë rutinore në konfliktin e vazhdueshëm të qeverisë afgane, të mbështetur nga trupat amerikane kundër talebanëve dhe kryengritësve të tjerë.
Organizata Save the Children, ka bërë thirrje për kombet donatore të cilat do të marrin pjesë në Konferencën Afganistan 2020, që të rrisin fondet humanitare dhe të mbrojnë e ruajnë të ardhmen e fëmijëve afganë./tvklan.al