3 të plagosur nga përplasja e 2 makinave
3 të plagosur është bilanci i një aksidenti rrugor të ndodhur rreth orës 20:10 të kësaj të mërkure, në aksin rrugor Patos-Fier. Sipas policisë, në aksident u përfshinë dy makina, një “Fiat” me drejtues A. Ç., 30 vjeç dhe një “Opel” që drejtohej nga B. Q., 71 vjeç.
Nga përplasja mbetën të plagosur të dy shoferët, si dhe një grua, M. Q., 70 vjeçe. Tre të lënduarit ndodhen në spitalin rajonal Fier, nën kujdesin e mjekëve.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit./tvklan.al