Indi, 31 të vdekur nga rrufetë në 24 orë
Të paktën 31 persona kanë mbetur të vdekur dhe 10 të tjerë janë plagosur nga rrufetë që goditën Indinë në 24 orët e fundit.
Përfaqësuesi i Mbrojtjes Civile në krahinën Bihar, Anirudh Kumar, tha për “Anadolu Agency” se qytetet më të goditura janë Rohtas, Vaishali, Patna, Buxor dhe Saran.
Qeveria e krahinës Bihar, u premtoi familjeve të prekura nga goditja e rrufesë një ndihmë financiare prej 6.300 dollarësh. Pjesa më e madhe e viktimave janë fermerë dhe bujq.