50 arinj mbahen në kafaze nga njerëzit
50 arinj të murmë, që janë kapur nga njerëzit dhe i mbajnë në kafaze, shumë shpejt do të mblidhen nga Ministria e Mjedisit.
Procesi i inspektimit dhe konfiskimit do të kryhet në bashkëpunim me fondacionin “4 putrat”, me qendër në Austri, i specializuar për arinjtë.
Aktualisht janë konfiskuar 3 arinj, të cilët janë vendosur përkohësisht në kopshtin zoologjik. Pas vaksinimit dhe vendosjes se mikrocipit ato do të transferohen në strehimoren “pylli i Arinjve”, në Prishtinë.
Transferimi i tyre bëhet pasi në Shqipëri ende nuk ka një qendër të posaçme për mbajtën e tyre. Bashkia e Tiranës do të nis ndërtimin e një parku për kafshët e egra në Malin e Dajtit./ TV KLAN