56-vjetori i shkollës “Skënderbej” – (31 Mars 2001)
Lajme Arkiva – TV Klan 2001
Kjo është shkolla që përgatit dhe furnizon ushtrinë me kuadro të rinj. Njihet si shkolla ushtarake “Skënderbej”. Në të mësojnë rreth 400 nxënës nga e gjithë Shqipëria. Pasi kanë mbaruar shkollën e mesme, vazhdojnë këtu. Tre vjet shkollë dhe çdo nxënës këtu del oficer. Sot kjo shkollë feston 56-vjetorin e hapjes së saj. Ish-nxënës ushtarak e oficerë të dalë nga kjo shkollë, kanë kujtuar stërvitjet dhe paradat ushtarake.
Në vitin 1945, në këtë shkollë kanë hyrë 200 pionerë, duke e rritur vazhdimisht numrin deri në 800. Vitet në vazhdim sollën ndërtesë të re, kabinete të reja e më shumë kushte në fjetje dhe ngrënie. Këta ish-ushtarakë, dikur të rinj kanë marrë pjesë në aksione për shtrime rrugësh automobilistike, hapje tokash të reja, ndërtime linjash hekurudhore etj. Nxënësit që janë regjistruar në akademi, pavarësisht se kryejnë një shkollë, rregullat i ngjasojnë detyrimit ushtarak./tvklan.al
Gazetare – Holta Zhiti