7 Marsi, dhuratat për mësuesit një ditë para
Nxënësit nuk harrojnë lulet, atmosferë festive në shkolla
Këtë 6 Mars, mbyllja e mësimit i la vendin festës. Edhe pse një ditë më herët për shkak të fundjavës, në shkollat e vendit u përkujtua festa e mësuesit.
Në nder të edukatorëve, nxënësit e shkollës “Hasan Tahsin” në Tiranë kanë përgatitur një koncert të vogël.
Të shumtë janë brezat që e kanë mësuar Abc-në nga mësuese Sadetja. 33 vitet në rrugën e dijes nuk ja kanë zbehur dëshirën e pasionin.
“Jam shumë e lumtur që e kam zgjedhur këtë profesion dhe asnjëherë s’jam bërë pishman. Nuk jam e lodhur, sepse puna me fëmijët të jep kenaqësi”.
Ndërsa për Evin, kjo është festa e parë si mësuese. Nuk i fsheh emocionet mes kolegeve e nxënësve, pasi sot po jeton atë që dikur ishte një ëndërr fëmijërie.
“Përveç se ne i mësojmë ata, edhe mësojmë prej tyre. Do i ftoja të gjithë studentët zgjidheni mësuesinë sepse merrni shumë kënaqësi”.
Dita e mësuesit festohet çdo vit në përkujtim të hapjes së shkollës së parë shqipe, më 7 Mars 1887-ës, që përkon me 133-vjetorin e saj.
Tv Klan