• Shpërndaje

7 humbje jete dhe 617 të infektuar të rinj

E marta ka shënuar tre herë më shumë raste të reja me koronavirus se një ditë më parë. Ministria e Shëndetësisë raportoi për 617 të infektuar të rinj nga 207 që u raportuan të hënën.

Shumica e rasteve të reja janë në Tiranë, ndërsa pjesa tjetër janë të shpërndarë në rrethe si Shkodër, Fier, Lushnje, Elbasan, Durrës, Sarandë, Krujë, Vlorë, apo Kukës.

Edhe numri i fataliteteve ka ardhur në rritje. 7 pacientë e kanë humbur betejën me Covid-19 në 24 orët e fundit. Ata janë të grupmoshës 41-88 vjeç dhe janë nga Kruja, Durrësi, Kavaja, Devolli, Lezha dhe Elbasani.

Aktualisht në Spitalet COVID po marrin trajtim 178 pacientë, nga të cilët 34 janë në gjendje më të rënduar. Ndërkohë në të gjithë vendin numërohen 8396 pacientë aktivë me koronavirus.

Tv Klan