9 vjetori i FNSH – (15 Dhjetor 1999)
Arkiva Lajme – Tv Klan 1999
9 vjet më parë është krijuar reparti 711, ku përgatiten forcat e ndërhyrjes së shpejtë. Në prani të zyrtarëve të lartë të Ministrisë së Brendshme, Drejtorisë së Policisë dhe drejtuesve të forcave franceze të MAPE-s është zhvilluar sot në ambjentet e këtij reparti festimi i 9 vjetorit të krijimit të tij.
Reparti 711 është krijuar në vitin 1990 në varësi të Ministrisë së Brendshme dhe është riorganizuar në vitin 1997. Këtu përgatiten policët që kalojnë një testim nga Ministria e Brendshme. Forcat e Ndërhyrjes së Shpëjtë veprojnë në të gjithë Shqipërinë dhe kanë marrë pjesë në aksionet e kryera në Berat, Burrel, Elbasan.
Në bashkëpunim me forcat franceze të MAPE-s sipas një programi taktik të caktuar është realizuar sot një nga ushtrimet e qitjes. Menaxhimi i tubimeve të paligjshme, depërtimi, filtrimi, si dhe veprimet ne një postobllok kanë qenë disa nga ushtrimet e realizuar sot. Më pas një koktej ka vijuar festimin e këtij aktiviteti./tvklan.al