• Shpërndaje

Titujt kryesorë 16 Korrik 2010, ora 19:30

BB: 425 mln $ Shqipërisë si histori e suksesshme zhvillimi

Banka Botërore deklaron se Shqipëria është një histori ekonomike e suksesshme. Ky institucion miratoi dje strategjinë e re, duke planifikuar 425 milionë dollarë investime për 4 vitet e ardhshme.

Bizneset e reja, afro 50% më shumë se 6 mujori i 2009-ës

Treguesit pozitivë të ekonomisë shqiptare pasqyrohen edhe në statistika. Për 6 mujorin e parë të këtij viti janë regjistruar rreth 50% më shumë biznese të reja krahasuar me të njëjtën periudhë të vitit 2009.

Rama: Situata ekonomike në Shqipëri është dramatike

Por përkundër qëndrimeve të FMN, BB dhe statistikave të institucioneve të shtetit shqiptar, kreu i PS vazhdon të deklarojë të kundërtën. Ai thotë se situata ekonomike në vend është dramatike.

Pronat e papërdorshme, MM: Po iu kthehen qytetarëve

Ministria e Mbrojtjes tha sot se pronat e papërdorshme po u kthehen qytetarëve dhe se falë bashkepunimit edhe me pushtetin lokal, do të merren në administrim për nevojat e komunitetit.

Berisha në Berat: Ne, 10 herë më shumë investime se PS

Kryeministri Berisha tha sot në Berat se investimet e qeverisë në këtë qark  janë 10 herë më shumë se socialistët gjatë qeverisjes së tyre. Sipas tij, do të mbahen të gjitha premtimet për investime në këtë zonë.

Moti në Shqipëri, 1 javë e nxehtë si në Afrikë

Moti i nxehtë afrikan ka përfshirë sot gjithë territorin e vendit. Sipas sinoptikanëve, ky i nxehtë afrikan do të vazhdojë deri të enjten e ardhshme. Temperaturat e tropikut godasin dhe pjesen tjetër të Europës.

Prifti: Ju tregoj si Rama merrte drogë ne zyrën e bashkisë

Ministri i Ekonomisë Dritan Prifti intensifikoi sulmet ndaj kryetarit të PS dhe kryetarit të Bashkisë së Tiranës, Edi Rama. Ai tha sot për mediat se e kishte parë vetë Ramen duke marrë drogë në zyrën e bashkisë në vitin 2005 dhe për këtë ai ka njoftuar drejtuesit e PS të kohës.

Botërori, 5000 arrestime për baste të paligjshme

5 mijë persona janë arrestuar nga Interpol për baste të paligjshme të vëna për ndeshjet e Botërorit. Arrestimet janë kryer njëkohësisht në shtete të ndryshme aziatike.

Edicioni i lajmeve Tv Klan  – 16 Korrik 2010, ora 19:30 – Spikere: Sonila Meço