Durrës, terminali i kontenierëve rrit volumin e punës
Në terminalin e përpunimit të konteinerëve në Portin e Durrësit, volumi i punës është rritur me 30%, krahasuar me një vit më parë. “Durrës Container Terminal” është kompania që menaxhon terminalin e vetëm të konteinerëve në vend. Suksesi lidhet me zvogëlimin e kohës së qëndrimit te anijeve në port. Kompania falë teknologjisë që po përdor ka rritur volumin dhe cilësine e punës. Por investimet nuk kanë përfunduar me kaq.Por kompania ka hasur edhe në pengesa. Ajo më kryesorja është hapesira e ngushtë e terminalit, gjë që e pengon operatorin që të punojë në mënyrë intensive. Ky problem, sipas kompanisë, mund të zgjidhet vetëm nga Pronari i Truallit ose Qeveria. Ky terminal kyç është i rëndësishëm jo vetëm për ekonominë e Shqipërisë, por edhe për Kosovën, Maqedoninë, si dhe Serbinë që lidhet me anë të autostradës së re që kalon nga Kosova, si një nga arteriet kryesore midis Durrësit dhe Lumit Danub.