Arrestohet 45 – vjeçari në kërkim ndërkombëtar
Një 45 – vjeçar i shpallur në kërkim ndërkombëtar është arrestuar ditën e sotme nga policia e kryeqytetit.
Ai është Grigor (Genci) Lamaj, banues në Tiranë dhe akuzohet nga shteti italian për veprën penale, “Krijim i organizatës kriminale në bashkëpunim, si dhe ndihmë dhe favorizim prostitucioni”.
Burime zyrtare nga policia bëjnë me dije se, Lamaj ishte shpallur në kërkim ndërkombëtar, pasi Gjykata e Milanos e ka dënuar me 8 vite dhe 1 muaj burg.
Ndalimi i 45 – vjeçarit u bë nga Specialistët e Seksionit për Trafiqet e Paligjshme. Tashmë pritet e ardhja e dokumentave që do të mundësojnë kryerjen e ekstradimit të tij drejt shtetit italian./tvklan.al