Finalja e Europa League
Liverpool kundër Sevilla, Klopp kundër Emery. Një duel interesant do të jetë ai që do të luhet sot në mbrëmje në Bazel. Finalja e Europa League pritet të ofrojë spektakël dhe ky trofe të kualifikon në grupet e Champions për sezonin e ardhshëm. Jurgen Klopp synon kupën e parë me Liverpool, ndërsa Unay Emery trofeun e tretë radhazi të Europa League, diçka që nuk ka ndodhur më parë.
Unay Emery, Trajner i Sevilla:
“Mund të hyjmë në librat e historisë së futbollit.”
Jurgen Klopp, Trajner i Liverpool:
“Do të bëjmë gjithçka për të fituar, mjaft me vende të dyta.”
Liverpool nuk fiton një trofe kontinental prej 11 vitesh. Skuadra angleze ka mundësinë t’i shkëpusë një nga trofetë Europianë këtë sezon ekipeve spanjollë, pasi në Champions League është derbi madrilen Real dhe Atletico. Finalja e sotme mes Sevilla dhe Liverpool do të nisë në orën 20:45 ku do të përdoret për herë të parë në një aktivitet të UEFA-s teknologjia për golat fantazmë.
Tv Klan