Shkatërrohet banda e trafikantëve shqiptare
Policia italiane ka shkatërruar dy banda të trafikut të drogës, njëra prej tyre e përbërë nga shtetas shqiptarë. Hetimet për këto grupe të narkotrafikut kishin nisur dy vite më parë nga policia e Romës, pasi ishin identifikuar dy grupet e shpërndarjes së drogës.
Mediat italiane shkruajnë se banda e shqiptarëve të arrestuar e kishte bazën në Ardea në periferi të kryeqytetit italian dhe merrej me shpërndarjen e kokainës në komunën e Lacios.
Përveç shpërndarjes së drogës, shqiptarët ishin edhe furnizuesit me kokainë të bandës italiane.
Këta të fundit mbulonin edhe trafikun me marijuanë në zonë, me të cilën e furnizonte një bandë e tretë nga rajoni i Puljas.
Kjo e fundit e dyshuar se ka lidhje me organizatën mafioze “Sacra Corona Unita”.
Tv Klan