3 të arrestuar në kryeqytet për vepra të ndryshme penale
Efektivët e Komisariatit Numër 4 në Tiranë kanë bërë të mundur arrestimin e 3 personave, për vepra të ndryshme penale.
Kështu, gjatë ditës së sotme, policia ka ndaluar në flagrancë 24 – vjeçarin, Beqir Huta nga fshati Zgurë, i Zallbastarit. Arrestimi i tij u bë pasi, gjatë kontrollit të ushtruar në banesën e 24 – vjeçarit, u gjetën dhe sekuestruan 1580 fidanë bimë narkotike, kanabis.
Në një tjetër aksion të policisë, u arrestua 52 – vjeçari Ndoc Mark Delia, mbi të cilin rëndon akuza për veprën penale të ndërtimit të paligjshëm.
Ndërsa gjatë ditës së djeshme, policia e Tiranës arrestoi 44 – vjeçarin Ymer Shata, për veprën penale të dhunës në familje. /tvklan.al