Restorantet, dokumenta fiktiv për kushtet higjeno – sanitare
Helmimi i klientëve në restorant “Artigiano”, në zonën e ish – Bllokut ka vënë në alarm Inspektoriatin Shtetëror Shëndetësor, i cili një ditë më parë dha urdhër mbyllje për këtë biznes.
Përfaqësues të institucioneve që kanë në dorë sigurinë ushqimore dhe shëndetësore të konsumatorëve, deklarojnë se inspektimet e përsërituar kanë nxjerr në pah problematikën.
Drejtori i Autoritetit Kombëtar të Ushqimit e konsideron këtë një rast të izoluar, ndërsa për Inspektoriatin Shtetëror Shëndetësor, problem është sigurimi i dokumentave fiktiv të kushteve higjenosanitare nga ana e bareve dhe restoranteve.
Pas kësaj situate, Inspektoriati Shtetëror Shëndetësor ka ndërmarr një aksion inspektimi në të gjithë vendin.
Edhe Autoritetit Kombëtar i Ushqimit është vënë në lëvizje për të monitoruar situaten në çdo subjekt.
Tv Klan