Përmbyset kamioni i shqiptarit, rruga “lahet” me shampo
Përmbysja e kamionit të drejtuar nga një shqiptar, ka mbushur me shampo autostradën A14, në Bolonja të Italisë mëngjesin e sotëm, duke krijuar dhe radhë kilometrike, për ata që ishin nisur për në plazh.
Aksidenti ka ndodhur në orën 5 të mëngjesit në korsinë e autostradës së drejtuar për në Forlì, ku drejtuesi i një mjeti i tonazhit të rëndë i mbushur me produkte kozmetike ka humbur kontrollin, si pasojë e çarjes së gomës duke u përmbysur.
Karrexhata e rrugës është mbushur me paketime shamposh, larës për trupin, deodorant dhe kremra të ndryshëm.
Kamionisti, një 48-vjeçar shqiptar ka marrë lëndime të lehta dhe është transportuar një spitalin e Forlì.
Si pasojë e aksidentit dhe ndërhyrjes për të pastruar rrugën, është krijuar një radhë prej 7 kilometrash, ndërsa shumë drejtues mjetesh kanë mbetur të bllokuar, ndërsa i ishin drejtuar detit./tvklan.al