Hapet sezoni turistik në Shëngjin
Në Shëngjin u organizua hapja e sezonit turistik për Lezhën. Festa zgjati deri në mesnatë dhe aty ishin të pranishëm shumë vizitorë të ardhur tashmë nga qytete të tjera.
Në fillim e nisën me sport në përshtatshmëri me zonën.
Në shëtitore u vendos panairi i kulinarisë, prodhimeve, shërbimeve e artizanit të zonës, si dhe mysafirë të ardhur nga qytete të tjera.
Lezha zgjodhi bregdetin e Shëngjinit për të hapur zyrtarisht sezonin turistik të verës.
Zgjedhja e bregdetit të Shëngjinit nuk ka qenë e rastësishme për vizitorët dhe turistët, të cilët sigurisht nuk i munguan edhe hapjes së sezonit.
Në rolin e mikëpritësit, administratori i Shëngjinit, Tonin Uldedaj tha se po punohet fort për të qenë gjithnjë pranë pushuesve.
Për Nënkryetarin e Bashkisë, Enver Hafizi pushimet më të mira janë në Shëngjin, duke garantuar se do të përmbushin detyrimet e tyre.
Që Shëngjini mbetet plazhi më i pastër në vend, e ka konfirmuar edhe Drejtoresha e Agjencisë Kombëtare të Bregdetit për Rajonin e Veriut, Anrila Spahija.
Spektakli me artistë kryesisht nga Lezha, i dha një tjetër interes çeljes zyrtare të sezonit turistik në Lezhë. Vizitorët qëndruan gjatë për të shijuar deri në fund orët festive.
Tv Klan