Video/Adele shpërthen në lot në koncertin dedikuar viktimave të Orlando-s
Adele i është bashkuar yjeve të tjerë të cilët kanë shprehur ngushëllimet e tyre për viktimat e Orlando-s.
Gjatë koncertit të saj në Antwerp, Belgjikë, këngëtarja i ka dedikuar një këngë personave të cilët mbetën të vrarë nga të shtënat më masive në historinë e SHBA-së.
E prekur nga kjo ngjarje tragjike, Adele e ka nisur shfaqjen me dedikimin ndaj viktimave, duke shpërthyer në lot.
“Unë do të doja ta filloja sonte këtë shfaqje duke bërë një përkushtim për të gjithë viktimat e Orlando-s “,
tha ajo.
Ngjarja e ndodhur në Orlando, Florida, ka tronditur gjithë botën. 50 persona mbetën të vrarë ndërsa 53 të tjerë u plagosen në një klub nate të komunitetit homoseksual nga30-vjeçari Omar Mateen./tvklan.al