Merkato e kuqezinjve, tërheqin vëmendjen Sadiku, Berisha e Memushaj
Rizespor interesohet për Armando Sadikun. Mediat turke shkruajnë se sulmuesi i Kombëtares pëlqehet nga trajneri Hiqmet Karaman. 25-vjeçari, i cili është pjesë e Zurich, është paraqitur mirë me Shqipërinë në Euro 2016 duke shënuar edhe golin e fitores me Rumaninë.
Megjithatë jo çdo gjë varet nga Sadiku, i cili është nën kontratë edhe për një sezon me Zurich. Drejtuesit e klubit zviceran nuk kanë ndërmend të heqin dorë lehtë nga lojtari, ose vetëm nëse vjen një ofertë bindëse.
Interes ka patur edhe për Etrit Berisha. Faqe pranë Lazio numërojnë disa skuadra. Besiktas, Watford e Sassuolo vëzhgojnë portierin shqiptar.
Ai nuk ka gjetur shumë hapësirë te Lazio, por kontrata e tij zgjat deri më në qershor të 2017. Në këto finale Europiani spikati edhe Ledian Memushaj, i cili ka qenë në lupën e Bologna. Megjithatë Pescra nuk e lëshon për më pak se 5 milionë euro kapitenin e saj raportojnë mediat italiane. /TV KLAN