Mrekullia, shqiptari i shpëton aksidentit me motor. “Fluturoi” 20 m pas përplasjes
Një 38-vjeçar shqiptar ka shpëtuar për mrekulli. Ai është aksidentuar me motor, ndërsa ka “fluturuar” rreth 20 metra pasi ka godit një makinë. Aksidenti ka ndodhur në Via Paradiso, Itali.
Shqiptari, që jeton në Cesena, drejtonte motorin “Yamaha”, ndërsa ka goditur furishëm një makinë Peugeot 308.
Nga hetimet e para të policisë italiane, dyshohet se faji i aksidentit ishte i shqiptarit, i cili ka qenë duke udhëtuar në krahun e kundërt të lëvizjes.
38-vjeçar shqiptar ka marrë plagë të shumta, por fatmirësisht është jashtë rrezikut për jetën. /tvklan.al