Luiza Gega kualifikohet në finalen e 3000 m me pengesa
Luiza Gega siguroi finalen e garës së 3000 metrave me pengesa në kampionatin Europian që po zhvillohet në Amsterdam. Atletja shqiptare e përshkoi distancën 9 minuta 38 sekonda 87 e të qindtat.
Një garë e jashtëzakonshme duke lënë pas të gjitha pjesëmarrëset e tjera në të dy bateritë. Në total në 3000 metra me pengesa merrnin pjesë 26 sportiste.
Luiza Gega pretendon medalje në këtë Europian dhe për këtë është përgatitur vetëm këtë garë. Finalja do të mbahet të dielën në orën 17:15.
Luiza Gega është kualifikuar edhe në Lojërat Olimpike Rio 2016 në garën e 1500 metrave dhe 3000 metrave me pengesë. Ajo është atletja më e suksesshme shqiptare e viteve të fundit duke fituar medalje ndërkombëtare dhe vendosur rekorde. /TV KLAN