Historia e invalidit nga Elbasani, “STOP” i rikthen buzëqeshjen
Historia e djalit nga Elbasani që rrezikohej t’i pritej këmba për shkak të mungesës së një proteze, fatmirësisht ka përfunduar me sukses.
Stefan Bregu kishte pësuar një aksident disa muaj më parë dhe për këtë arsye kërkohej një ndërhyrje kirurgjikale dhe vendosja e një proteze, të cilën spitali i QSUT-së nuk e dispononte.
Pas transmetimit të këtij rasti në emisionin “STOP” për të erdhi dhe zgjidhja. Mjeku ortoped i spitalit të Lezhës, Pashk Gjoni, mori përsipër ndërhyrjen me të gjitha shpenzimet.
Ndërsa një qytetar nga Struga dhuroi për rastin e invalidit 2500 euro.
Pas ndërhyrjes kirurgjikale e cila kaloi me sukses, Stefani ka mundur të ngrihet në këmbë dhe të lërë spitalin.
Me një buzëqeshje në fytyrë për kameran e "STOP", Stefani falenderon emisionin dhe të gjithë ata që kontribuan për shëndetin e tij.
Ndërsa lidhur me mungesën e protezave në QSUT, gazetarët e “STOP” kanë pyetur sërish Ministrin Ilir Beqaj, i cili është mjaftuar me një përgjigje të shkurtër.
“Po zhvillohen procedurat e prokurimit”./
tvklan.al