E diela e zezë e aksidenteve
Dita e fundit e muajit korrik u mbyll me një numër të frikshëm aksidentesh, shumica të shkaktuara nga shpejtësia tej normave të lejuara dhe alkooli.
Më poshtë keni aksidentet që kanë ndodhur të dielën e 31 korrikut, por në listë nuk janë aksidentet me viktima. Gjithashtu janë dhe drejtuesit e automjeteve të arrestuar, pasi ishin në timon në gjendje të dehur.
Aksidentet që kanë ndodhur:
-Policia e Tiranës ka ndaluar 54-vjeçarin V.P, pasi rreth orës 21:00 në Kamzë ka përplasur më automjetin e tij “Volkswagen” një këmbësore.
-Dy automjete janë përplasur rreth orës 10:30, në Gjocaj të Peqinit. Në aksident janë përshirë një automjet tip “Ford” dhe një “Volkswagen”. Për pasojë ka mbetur e plagosur rëndë një 16-vjeçare.
-Blerim Maliqi, 42 vjeç, rreth orës 13:30, në Lapardha, pranë “Urës Qoshkut” ka dalë nga rruga me makinën e tij, tip “Volkswagen”.
-Një 67-vjeçar nga Prishtinë rreth orës 11:30, tek “Ura e Matit”, duke drejtuar automjetin tip “Benz”, ka aksidentuar shtetasen 55-vjeçaren T.S. Gruaja është në gjendje të rëndë për jetën.
-Një 77-vjeçar rreth orës 13:00, në vendin e quajtur “Qafa Toblit”, ka dalë nga rruga duke drejtuar automjetin tip “Volkswagen”. Ai ndodhet në spital në gjendje të rëndë për jetën.
-27-vjeçari Redian Çerenishti, në rrugën dytësore Golem-Plepa, ka përplasur një këmbësor, me mjetin tip “BMW”. I moshuari, me inicialet S.Ç, ndodhet në spital në gjendje të rëndë për jetën.
-22-vjeçari Klaosient Aliaj, në rrugën dytësore Golem-Durrës, me automjetin e tij tip “Reno Megan”, ka aksidentuar këmbësorin Xh.Gj, 29 vjeç. Edhe ky i fundit ndodhet në spital në gjendje të rëndë.
-Një 48-vjeçare me inicialet D.M, rreth orës 17:15, në aksin rrugor Plazh-Velipojë duke drejtuar automjetin tip “Hyndai”është përplasur me një automjet tjeter, tip “Ford Focus”. Të plagosur kanë mbetur dy drejtuesit.
Të arrestuar për drejtim automjeti në gjendje të dehur:
-Arjan Cenaj, vjeç 49, u kap në rrugën “Vllazën Huta”, duke drejtuar automjetin tip “Benz” në gjendje të dehur.
-Pëllumb Koleci, vjeç 36, u kap në autostradën Durrës-Tiranë, në gjendje të dehur duke drejtuar automjetin tip “Benz”.
-Orest Dautaj, 19 vjeç u kap në rrugën “Transballkanike” duke drejtuar në gjendje të dehur automjetin tip “Benz”.
-56-vjeçari Kristo Latifi, nga Tiranë, u arrestua pasi në fshatin Trashovicë, u kap duke drejtuar në gjendje të dehur automjetin tip “Nisan”./
tvklan.al