Trump: Presidenca e Obamës, katastrofë!
Donald Trump, kandidati republikan për president në SHBA, ka vlerësuar se periudha e Barack Obamës në Shtëpinë e Bardhë ishte “katastrofë”.
Deklarata e tij erdhi pasi Obama tha se Trump nuk është i aftë për të shërbyer si president i Shteteve të Bashkuara.
“Ai ishte i dobët, ai ishte i pafuqishëm” tha Trump për Obamën, gjatë një interviste në rrjetin Fox News.
Kandidati republikan tha se Barack Obama ishte “presidenti më i keq, ndoshta, në historinë e vendit tonë”.
Zgjedhjet presidencale në Shtetet e Bashkuara mbahen më 8 nëntor, ndërsa rivale e Trump është demokratja, Hillary Clinton./
tvklan.al