Sot nis sezoni i ri në Serie A
Serie A nis sot me sezonin e ri. Roma – Udinese është sfida që hap kampionatin italian në orën 18:00. Në stadiumin “Olimpico” skuadra e Luciano Spalletti luan për ta nisur mbarë edhe pse mendja qëndron te takimi i kthimit në Champions League me Porto.
Roma tregoi shpirt gare sezonin e kaluar prej mbërritjes së Spalletti. Verdhekuqtë janë me lojtarë të rinj në mbrojtje. Po sot, në orën 20:45, Juventus zbret në fushë për mbrojtjen e titullit kampion. Fiorentina është rivali i parë. Ekipi torinez pësoi ndryshime gjatë merkatos së verës me afrimin e Dani Alves, Miralem Pjanic dhe Gonzalo Higuain, pa harruar këtu largimin e Paul Pogba drejt Manchester United.
Sulmuesi argjentinas i ardhur nga Napoli nuk është ende në formë. Ndeshjet e tjera do të luhen nesër. Ekipet e ngjitur këtë sezon në Serie A janë Cagliari, Pescara dhe Crotone debutues.
Tv Klan