Brenda javës përfundon rikonstruksioni i 4 kopshteve
Brenda kësaj jave përfundon rikonstruksioni i plotë edhe i 4 kopshteve të mbetura në kryeqytet. Gjatë përurimit të rikonstruksionit të kopshtit Nr.38 në Kombinat, Kryebashkiaku, Erion Veliaj tha se Bashkia po punon për të ofruar të njëjtin standard për çdo fëmijë të Tiranës.
“Kemi edhe 4 kopshte, të cilat do t’i realizojmë bashkë me donatorët tanë të “Adopto një kopsht” deri në fund të javës, për të siguruar që viti i ri shkollor i gjen të gjitha kopshtet e Tiranës në të njëjtin standard. Me të mbaruar procesin e kopshteve, do të vazhdojmë me shkollat, duke ndjekur kështu një vijë logjike, nga më të vegjlit, çerdhet, pastaj kopshtet, pastaj shkollat”.
Për t’u dhënë fund shkollave më dy turne, Veliaj tha se pas “Hoxha Tahsinit”, në Kombinat ka nisur ndërtimi i shkollës “Betim Muço”.
Tv Klan