Foto/ Arrestohet shqiptari, shoferi i “Audit të verdhë” që mbolli terror
Ka një fytyrë dhe një emër. Është Vasil Rama, shqiptari i akuzuar si shoferi i “Audit të Verdhë”, që para disa muajsh mbolli frikë dhe terror në Itali.
Mediat italiane shkruajnë se 36-vjeçari është arrestuar në kufirin mes Shqipërisë dhe Greqisë dhe shumë shpejt pritet ekstradimi drejt Italisë. Sipas autoriteteve ai ka qenë në kërkim që nga viti 2011.
Në fillim të këtij viti, ky automjet i fuqishëm u përdor në disa grabitje si dhe shkaktoi një viktimë në aksident. Hetimet treguar se makina e vjedhur në Milano në në 26 dhjetor u përdor nga një bandë e specializuar për grabitje.
Pasi ranë shumë në sy, banda e grabitësve, që sipas mediave italiane janë të gjithë shqiptarë, e dogji këtë automjet. Hetimet kanë treguar se banda e ka rekrutuar 36-vjeçarin vetëm për aftësitë e tij të shkëlqyera në timon./tvklan.al