Ministri Çollaku jep dorëheqjen, i bashkohet stafit të Presidentit Thaçi
Ministri i Integrimeve Evropiane në Qeverinë e Kosovës, Bekim Çollaku ka dhënë dorëheqje nga ky post. Vendimin për dorëheqje, Çollaku e ka kumtuar gjatë një konference për gazetarë.
“Kam vendosur ta lë pozitën e ministrit, dhe për këtë jam konsultuar me kryeministrin dhe presidentin”,
ka thënë Çollaku.
Pas dorëheqjes, Çollaku ka konfirmuar se do t’i bashkohet ekipit të presidentit Hashim Thaçi.
Dorëheqjen e Çollakut e ka miratuar edhe kryeministri i Kosovës, Isa Mustafa.
Kryeministri Isa Mustafa, përmes një komunikate për media e ka vlerësuar angazhimin e ministrit Çollaku në realizimin e prioriteteve të programit qeveritar duke përfshirë vendosjen e marrëdhënieve kontraktuale me Bashkimin Evropian nëpërmjet nënshkrimit të Marrëveshjes së Stabilizim Asociimit si dhe përmbushjen e kritereve për liberalizimin e vizave.(REL)/tvklan.al