Arrestohen gardianët, fusnin kanabis në burg
Dy gardianë burgu janë arrestuar nga policia e Fierit. Ledio Pashaj, 21 vjeç dhe Lusiano Rexha, 26 vjeç akuzohen për futjen e drogës brenda në burgun e Fierit.
Policia kishte dijeni për veprimtarinë e paligjshme të tyre, ndaj gjatë ditës së djeshme rreth orës 14:15 janë kontrolluar.
Në pjesën e fundshpinës, dy gardianëve, i janë gjetur dy paketime të mbështjella me letër celefoni me lëndë narkotike kanabis, me peshë 11.1 gramë të cilat, u sekuestruan në cilësinë e provës materiale.
Nga kontrolli i banesës së 26-vjeçarit Lusiano Rexha janë gjetur dhe sekuestruar një sasi prej 41 gramë kanabis./tvklan.al