Champions, Bayern ndalet nga Atletico
Bayern Munchen i Carlo Ancelotti pësoi humbjen e parë.
Skuadra gjermane nuk kaloi me sukses provën në stadiumin “Vicente Calderon” ku Atletico Madrid fitoi 1 – 0 sfidën e dytë të Champions League. Skuadra e Diego Simeone mori 3 pikët dhe vendin e parë në Grupin D me golin e Carrasco.
Një lojë zotëruese e ekipit spanjoll, që zbehu forcën e Bayern. Graniti fitoi derbin mes vëllezëve Xhaka. Arsenal mundi Basel me rezultatin 2 – 0. Graniti ishte një nga pjesëmarrësit në golin e parë për topçinjtë.
Napoli i Elseid Hysajt fitoi 4 – 2 me Benfica duke qëndruar në krye të Grupit B. Mbrojtësi shqiptar luajti si titullar.
Barcelona mori një fitore me përmbysje në fushën e Borussia Monchengladbach. Ekipi katalanas qëndron vetëm në krye të Grupit C me suksesin 2 – 1.
Rivali kryesor Manchester City u ndal në derbin britanik me Celtic. Ndeshja e luajtur në Gllazgou ishte një ritmi të lartë dhe përfundoi në barazim 3 – 3.
Tv Klan