Lista e mbetjeve që do të importohen nga jashtë
Miratimi i ligjit të mbetjeve, i hap rrugë importimit të disa mbetjeve nga vendi ynë, me qëllim riciklimin dhe përpunimin.
Tv Klan sjell listën me 16 mbetjet që do të lejohen të importohen. Nga 25 që ishte lista e mbetjeve që lejoheshin me ligjin e 2012-tës, me ligjin e ri të 2016-tës lejohen të importohen vetëm 16.
Shkak për heqjen nga lista të 8 llojeve të mbetjeve sipas përfaqësuesve të Komisionit Parlamentar të Veprimtarisë Prodhuese është bërë mungesa e impianteve të riciklimit nga këto llojë industrish.
Por çfarë mbetjesh do të vijnë në Shqipëri?
Sipas listës, do të lejohen mbetje dhe kthime të gizës së derdhur, mbetje nga çeliku i pandryshkur, pluhur sharrimi, mbetje dhe cifla të aluminit, letër apo karton i rikuperueshëm, si p.sh., gazeta, revista dhe materiale të ngjashme të shtypura, veshje të përdorura, tallash, mbetje dhe kthime të drurit, dioksid silici në formë të ngurtë dhe derivatet e plastikës.
Nga lista janë hequr mbetjet e bakrit, nikelit, plumbit , zinkut, mbetje dhe kthime kallaji , ngjyrat me përmbajtje zinku, qelq i thyer dhe mbetje të tjera prej qelqi.
Tv Klan