Foto/Ky është autori i vrasjes me thikë në Poliçan
Një tjetër vrasje me thikë u shënua të martën.
Ngjarja e rëndë ndodhi në qytetin e Poliçanit, në lagjen Kalluç. Nga një sherr për motive të dobëta ka humbur jetën Behar Bregu, 66 - vjeç. Ai është goditur në mënyrë fatale nga 32 - vjeçari Nexhip Pano, ky që shihni në këtë foto.
32 - vjeçari është arrestuar menjëherë nga policia.
Burime nga policia lokale thanë se vrasja ka ndodhur në lagjen ku banonte viktima. Shkak i kësaj ngjarje ka qenë një sherr mes dy fqinjëve për uljen në stolin e lulishtes së kësaj lagjeje.
Persona të tjerë kanë ndërhyrë për të ndarë konfliktin, por pa mundur të evitojnë tragjedinë. Dëshmitarët i kanë dhënë ndihmë të plagosurit, por ai ka ndërruar jetë sapo ka mbërritur në spital.
Policia tha se arrestoi autorin e ngjarjes, si dhe ka sekuestruar thikën me të cilën kreu vrasjen.
Tv Klan