Atentat me thikë ndaj 3 policëve në Bruksel
Tre oficerë policie u sulmuan me thikë mesditën e sotme në Bruksel, në komunën Sharbek. Dy prej tyre mbetën të plagosur, njëri në qafë, tjetri në bark, gjithsesi autoritetet njoftojnë se ata janë jashtë rrezikut për jetën.
Agresori u largua nga vendi i ngjarjes, por u neutralizua nga një agjent që e plagosi në këmbë. Prokuroria federale belge bëri të ditur më pas detajet rreth tij.
Agresori është një ish – ushtarak belg, 43 – vjeçar, i cili në të shkuarën është përmendur si potencial i mundshëm terrorist.
Kësisoj, autoritetet belge njoftuan se pista e lidhur me terrorizmin ndërkombëtar mbetet e gjallë, por nuk dhanë hollësi të tjera.
Komuna Sharbek ishte një nga zonat më të nxehta gjatë sulmeve terroriste që goditën kryeqytetin belg në muajin Mars, ku humbën jetën 35 persona dhe u plagosën mbi 300 të tjerë.
Tv Klan