Ky është Pixel!
Për vite me radhë modelet Nexus janë konsideruar si telefonat më të “pastër” Android. Por kjo epokë duket se do të marrë fund, pasi Google sapo ka prezantuar dy smartphone –ët më të rinj, Pixel dhe Pixel XL, të prodhuar nga vetë kompania, me anë të së cilëve shpreson të reformojë platformën Android.
Ky prodhim i ri i Google ofron foto me rezolucion të lartë, më shumë hapësirë dhe janë të parët telefonë të ndërtuar për të punuar më syzet virtual të Google, Daydream VR.
Pixel mund të parapaguhet duke nisur nga sot dhe çmimi nis me 649 dollarë.
Pixel dhe Pixel XL vijnë në tre ngjyra, të zezë të bardhë dhe blu e ndezur.
Të ndërtuar me një kamera 12.3 megapiksel, Google pretendon se ky është telefoni me kameran më të mirë të krijuar ndonjëherë më parë, duke lënë pas iPhone 7.
Programuesit e Google thonë gjithashtu se është telefoni me shpejtësinë më të lartë të shkrepjes të testuar deri më sot. Duke qenë se Google Photos është e integruar në këtë smartphone, kompania premton vend pa limit për fotografitë dhe videot, që ruhen me rezolucionin e tyre origjinal.
Pixel vjen me një ekran 5 inç, ndërsa Pixel XL, 5.5 inç. Ato kanë 4GB RAM dhe 32 GB ose 128 GB hapësirë (storage). /tvklan.al