Foto/Tragjedi në familjen shqiptare, vdes në aksident nëna me fëmijën
Ka rezultuar fatal aksidenti rrugor për një 37-vjeçare me origjine shqiptare, me banim në Itali, e cila humbi jetën teksa udhëtonte bashkë me tre fëmijët e saj, 16 vjeç, 12 dhe 2 vjeç.
Pas shqiptares me iniciale B.A, personi që po shihni në këtë foto, mediat italiane bëjnë të ditur se edhe djali 12-vjeçar ka humbur jetën në spital, pasi nuk i rezistoi dot plagëve të marra. [caption id="attachment_226857" align="aligncenter" width="658"]
Në foto: 37-vjeçarja shqiptare B.A, viktimë e aksidentit[/caption]
Siç raportojnë mediat në vendin fqinj, djali i vogël 2-vjeçar është në gjendje të rëndë dhe ndodhet në spital. Ngjarja e rëndë ka ndodhur në Padova, gjatë mbrëmjes së të dielës.
Shqiptarja humbi kontrollin e automjetit që drejtonte, tip Alfa Romeo, si pasojë e kushteve të këqija të motit, por edhe për shkak të terrenit të vështirë, ku janë regjistruar edhe më parë një sërë aksidentesh.
37-vjeçarja u përplas me një automjet tip Mercedes. Në vendngjarje mbërritën menjëherë forcat e shumta të policisë, ambulancat dhe bashkëshorti i viktimës i cili ka kaluar në një shok psikologjik.
Tv Klan