Ja çfarë gjen 6-vjeçari brenda vezës së kinderit
Crystal, nga Brisbane, mamaja e Jonah, 6 vjeç, zbuloi se gjatë kohës që ishte duke pastruar dhomën e të birit të premten, gjeti një vezë kinder e cila në vend të dhuratës kishte brenda dy qese me drogën METH (Metamfetaminë).
Ajo e hapi dhe shpresonte që brenda kapakut plastik portokalli të ishte një lodër, por në fakt gjeti diçka tmerruese.
“Po pastroja dhomën e Jonah dhe brena çantës së tij të vjetër të shkollës që e përdor për të luajtur gjeta vezën prej kauçuku”, kishte thënë ajo në rrjetin social Facebook gjatë fundjavës.
“E hapa dhe gjeta dy pako të vogla plastike. Në fillim përmbajtja m’u duk si copa kripe të mëdha. Në fillim u shokova dhe doja të dija si kishte mbërritur deri aty”, u shpreh ajo.
E tronditur nga ajo që kishte gjetur, ajo i kishte treguar burrit të saj dhe më vonë çifti e kishte pyetur të birin se nga e kishte gjetur vezën.
Ai i kishte thënë se e kishte gjetur në një dyqan të dorës së dytë disa javë më parë.
Familja ia kishte dorëzuar përmbajtjen policisë dhe ata e kishin lavdëruar vogëlushin që nuk i kishte futur në gojë./tvklan.al