Mavraj zgjidhet në formacionin ideal në Gjermani
Mërgim Mavraj po kalon një sezon të suksesshëm me Koln në Bundesliga 1. Mbrojtësi shqiptar është një titullar i përhershëm, por në javën e shtatë ai është bërë pjesë edhe e formacionit ideal të përzgjedhur nga revista “Kicker”.
Koln arriti një tjetër fitore në kampionat dhe është në vendin e dytë në renditje falë fitores 2 – 1 me Ingolstad. Skuadra e Mërgim Mavrajt nuk ka pësuar asnjë humbje në këtë sezon të Bundesliga 1.
Taulant Xhaka është në ekipin e javës në Superligën e Zvicrës. Gazeta “Blick” e vlerësoi edhe një herë paraqitjen e shqiptarit.
Mesfushori i Kombëtares dha pasimin për një nga golat në fitoren 3 – 0 me Luzern. Basel pas 11 javësh kampionat ka grumbulluar 31 pikë duke u shkëputur nga ndjekësit. Kjo ecuri e bën edhe këtë sezon favorit për titullin kampion në Zvicër./ TV KLAN