Nis viti akademik, 9600 kuota bosh në universitete
Sot nis viti i ri akademik në të gjithë vendin. Universitetet hapën dyert për studentet, por në universitetet publike rreth 9600 vende janë bosh, për shkak të kuotave të paplotësuara.
Pas fazës së dytë të aplikimeve për në Universitete, procesi i regjistrimit ka ecur me një ritëm të ulët për plotësimin e kuotave, duke dalë jashtë parashikimeve të udhëzimit të Ministrisë së Arsimit.
Megjithatë fillimi i vitit akademik nuk duhet të shqetësoje kandidatët që shpallen fitues orë pas ore në sistemin online të aplikimit të ngritur nga Ministria e Arsimit. Sekretaritë në çdo fakultet do të pranojnë regjistrime ne çdo kohe të studentëve që janë shpallur fitues./ tvklan.al