Iniesta dëmtohet në sfidën me Valencia, ja sa do mungojë
Barcelona nuk do të ketë për një kohë të gjatë kapitenin e saj. Andres Iniesta pësoi një dëmtim të rëndë në takimin me Valencia, që përfundoi me fitoren 3 – 2 të katalanasve.
Ndërhyrja e Enzo Perez ishte e ashpër duke i shkaktuar lëndimin e ligamentit të gjurit të djathtë.
Iniesta la fushë me barelë dhe sipas mediave spanjolle parashikohet një pushim 6 deri në 8 javë. Fillimisht u mendua për një mungesë më të gjatë.
Mediat pranë klubit shkruajnë se Iniesta me shumë fat mund të kthehet në El Clasico e parë të kampionatit që do të luhet në fillim të dhjetorit.
Diçka e tillë bën që një futbollist me kaq përvojë të mungojë edhe në ndeshjet e mbetura të fazën së grupeve në Champions League./ TV KLAN