Clinton: Trump, një kërcënim për demokracinë
Këngëtarja Katy Perry i është bashkuar fushatës së kandidates demokrate, Hillary Clinton. Ylli amerikan i “Pop”-it, ftoi studentët e Universitetit të Nevadas në Las Vegas që të votojnë për Clintonin, ndërsa mbante veshur një bluzë të stampuar me shprehjen “Grua e keqe”, fyrje që Donald Trump i drejtoi Clintonit gjatë debatit të fundit presidencial.
Por në krah të Clintonit ka dalë edhe Miley Cyrus, e cila ka ndjekur shembullin e Katy Perry -t, por në Universitetin “George Mason” në Virxhinia.
Sakaq Clinton ka vijuar fushatën e saj në Pensilvani, ku edhe ka kritikuar ashpër kandidatin republikan.
“Trump është një kërcënim për demokracinë”,
tha Clinton, për faktin që miliarderi refuzoi të thotë nëse do e pranojë rezultatin e zgjedhjeve të 8 Nëntorit.
“Këtë se ka bërë asnjë kandidat apo parti”,
vijoi Clinton.
Kandidatja demokrate vazhdon të kryesojë në sondazhe, me një diferencë prej 4 pikësh.
Tv Klan