Foto/ Bllokohet makina me drogë, drejtuesi i shpëton policisë

13:57 31/10/2016 Shkodër-Plot 27 kg kanabis është sekuestruar nga policia e Shkodrës. Policia kishte informacion për një trafik droge, ndaj efektivët kanë konstatuar një automjet të dyshimtë në lagjen "Skënderbeg".

Pasi i është bërë me shenjë të ndalojë, drejtuesi nuk i është bindur urdhrit. Gjatë ndjekjes nga policia, drejtuesi ka braktisur automjetin duke u larguar me shpejtësi.

Nga kontrolli që i është bërë automjetit, tip "Mitsubishi" me targë AA 193 NL, u gjetën 3 thasë me një sasi totale prej 27 kg kanabis.

Nga hetimet rezultoi se automjeti ishte në pronësi të 48-vjeçarit, Aleksandër Malaj, i cili është arrestuar.

Automjetin ai ia kishte dhënë me qira, 30-vjeçarit K.Q, të cilin policia e ka shpallur në kërkim dhe thotë se ishte ai që e drejtonte./ tvklan.al

kanabis

Mitsubishi