Moti sot dominohet nga kthjellimet
Deri në mesditë nesër, pjesa më e madhe e vendit do të dominohet nga moti i kthjellët me përjashtim të zonave veriore dhe verilindore, të cilat do të kenë vranësira të dendura.
Pjesa e dytë e ditës do të vijojë me kthjellime dhe vranësira të herë pas-hershme në Ultësirën Perëndimore, ndërsa zonat malore përgjatë kufirit lindor do të dominohen nga kthjellime dhe vranësira më të shpeshta.
Sipas MeteoAlb, temperaturat e ajrit do të pësojnë 2- 3 gradë rënie në orët e mëngjesit, ndërsa mesdita do të ruajë të njëjtat vlera konstante. Era do të fryjë mesatare me shpejtësi 28 km/h nga drejtimi veriperëndimor, për pasojë në brigjet detare do të ketë dallgëzim 2- 3 ballë./tvklan.al