Drogë e armë, 2 të arrestuar në kryeqytet
Policia e kryeqytetit ka vënë në pranga dy persona, të cilët akuzohen për shpërndarje të lëndëve narkotike.
Në operacionin e koduar “Brryli”, në pranga ranë Mirjan Hoxha, 29 – vjeç, i dënuar më parë, Danjel Kilja, 31 – vjeç dhe u procedua në gjendje të lirë A. K. 22 – vjeç, i dënuar më parë për vjedhje.
Ndërkohë në kërkim është shpallur edhe një i katërt, personin me iniciale E. Ç. Sipas policisë, të arrestuarit në bashkëpunim me njëri – tjetrin shpërndanin lëndë narkotike në zonën e “Brrylit”.
Gjatë kontrollit të ushtruar në banesën e Mirjan Hoxha efektivët e kryeqytetit gjetën një armë zjarri, pushkë model 56, një krëhër me 15 fishekë model 56, 12 fishekë të kalibreve të ndryshme, 13 gramë kanabis dhe disa qese farmaceutike që shërbenin për të shpërndarë lëndën narkotike në doza.
Aktualisht vijon puna për kapjen e personit të shpallur në kërkim./tvklan.al