Memushaj shënoi golin e parë në Serie A
Te skuadra e Pescara gjërat nuk po shkojnë mbarë, pasi ndodhet në zonën e rënies nga Serie A. Abrucezët nuk po marrin ende pikët e nevojshme për t’i shpëtuar rënies. Megjithatë në humbjen 3 – 2 të së dielës në fushën e Roma dha një shkëndijë shprese.
Pas pësimit të dy golave ekipi u rikthye me golin e kapitenit Ledian Memushaj. Mesfushori shqiptar ishte më i miri i ekipit të tij. “Gazzetta dello Sport” e vlerësoi me notën 6,5 duke e cilësuar si lojtarin ku gërshetohet taktika dhe inteligjenca.
Memushaj përveçse ndihmon sulmin është një pengesë për aksionet e kundërshtarëve. Ledian Memushaj është pjesë e skuadrës së Pescara prej vitit 2014 duke u kthyer në pak kohë në liderin e abrucezëve.