Aksidenti tragjik i avionit në Kolumbi, mbarimi i karburantit mund të jetë shkaku
Me mijëra fansa kanë mbajtur homazhe për skuadrën braziliane të Chapecoense, e cila humbi pjesën më të madhe të futbollistëve në një aksident të rënde ajror një ditë më parë.
Skuadra po udhëtonte drejt njërës prej ndeshjeve më të mëdha në historinë e tyre, finalen e Kupës së Amerikës Latine.
Skuadra kolumbiane e Atletico Nacional, është ofruar të heqë dorë nga ndeshja në mënyrë që të shpallet fitues ekipi i zhdukur.
Avioni me të cilin udhëtonin 81 pasagjerë u përplas në një zonë malore pranë qytetit Medellin, pasi piloti njoftoi për një defekt teknik. Të tjera pista hetimi për aksidentin tragjik janë ato të motit të keq dhe mbarimit të karburantit të charterit.
Megjithatë zyrtarë të aviacionit kolumbian njoftuan se kutitë e zeza të avionit janë gjetur dhe do të hetohen. Tre lojtarë të skuadrës braziliane janë mes 6 të mbijetuarve të ngjarjes tragjike./tvklan.al